សមាជិក

---

សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពតកែប

សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពតកែបមានតួនាទី និងភារកិច្ចដូចខាងក្រោម៖ 

រៀបចំសៀវភៅបន្ទុក និងចុះបញ្ជីការពារផលិតផលអំបិលកំពតកែប ក្រោមច្បាប់ស្តីពី “ម៉ាកស​ម្គាល់ភូមិសា​ស្ត្រទំ​និ​ញ” របស់ព្រះរាជាណាចក្រកម្ពុជា

បង្កើនទំនាក់ទំនង និងការសហការរវាងផលិតករឬអ្នកកែច្នៃ ប្រតិបត្តិករ អង្គការ និងស្ថាប័នពាក់ព័ន្ធ

ផ្សព្វផ្សាយ និងលើកតម្កើងកិត្តិនាមផលិតផលអំបិលកំពតកែបដោយការបង្កើនគុណភាព និងទប់ស្កាត់ការ​ក្លែង​បន្លំផលិតផល

គ្រប់គ្រងគុណភាពអំបិលកំពតកែប

រៀបចំ និងអនុវត្តប្រព័ន្ធត្រួតពិនិត្យផ្ទៃក្នុងដើម្បីធានាគុណភាពអនុលោមតាមសៀវភៅបន្ទុក និងប្រភពដើមផលិតផល

ស្វែងរក និងសហការជាមួយអង្គភាពត្រួតពិនិត្យពីខាងក្រៅ

បណ្តុះបណ្តាល​ និងពង្រឹងសមត្ថភាពសមាជិកសមាគមអំពីខ្លឹមសារសៀវភៅបន្ទុក ដើម្បីអាច​ផលិ​ត​អំបិលកំពតកែប ទៅតាមបទដ្ឋានបច្ចេកទេសដែលមានចែងក្នុងសៀវភៅបន្ទុក

ពិនិត្យ និងសម្រេចសំណើសុំចូលជាសមាជិក សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពត កែប របស់ផលិតករឬអ្នកកែច្នៃ និងប្រតិបត្តិករ ដែលមា​ន​បំណ​ង​ចង់ប្រើសញ្ញាសម្គាល់របស់ សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពត កែប

ធ្វើបច្ចុប្បន្នភាពនៃបញ្ជីគណនេយ្យផលិផលដោយប្រើទិន្នន័យដែលផ្តល់ឲ្យដោយផលិតករឬអ្នកកែច្នៃ និងអាជី​វ​ក​រ​ ដែលទិញ​ និងលក់ផលិតផលអំបិលកំពតកែប

ថែរក្សាបញ្ជីផលិតករឬអ្នកកែច្នៃ និងប្រតិបត្តិករ ដែលទទួលស្គាល់ដោយភ្នាក់ងារ ឬស្ថាប័នត្រួតពិនិត្យពីខាងក្រៅ និង​ផ្ត​ល់​ព័ត៌មានដល់សមាជិក ភ្នាក់ងារ ឬស្ថាប័នត្រួតពិនិត្យ និងនាយក​ដ្ឋា​ន​កម្មសិទ្ធិបញ្ញា នៃក្រសួងពាណិជ្ជកម្ម ទៅតាមការស្នើសុំ

ចាត់វិធាការទៅតាមផ្លូវច្បាប់ដើម្បីការពារទប់ទល់នឹងការក្លែងបន្លំផលិតផល

តើនរណាជាសមាជិករបស់សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពតកែប?

សមាគមអ្នកផលិតម៉ាកសម្គាល់ភូមិសាស្រ្តទំនិញអំបិលកំពតកែបបានប្រមូលផ្ដុំអ្នកពាក់ពន្ធ័ក្នុងវិស័យអំបិលកំពតកែបក្នុងដំបូលតែមួយ៖

ផលិតករអំបិល

អន្តរការី ឬ អ្នកជំនួញ

សហគមន៍អ្នកផលិតអំបិល

ក្រុមហ៊ុនកែច្នៃ វេចខ្ចប់ ធ្វើទីផ្សារ និងនាំចេញ